Emërohen 100 noterë të rinj, publikohen emrat e mbi 40 prej tyre… gruaja e Ramiz Lladrovcit, Hajredin Kuçit…
Ministria e Drejtësisë i ka publikuar vendimet për emërimin e 100 noterëve të rinj të cilët janë përzgjedhur përmes dy proceseve, atij të vitit 2019 dhe të fundit të vitit 2023.
Ashtu siç ishte paralajmëruar nga ministrja Albulena Haxhiu, vendimet e nënshkruara nga ajo javën e kaluar, kanë nisur të publikohen sot.
Në uebsajtin e Ministrisë së Drejtësisë, deri tani janë publikuar vendimet për emërimin e mbi 40 noterëve.
Nga 100 noterë, 40 prej tyre janë të përzgjedhur nga procesi i emërimit të noterëve të zhvilluar në vitin 2019 nga Qeveria Haradinaj, ndërsa 60 të tjerë nga konkursi i fundit i vitit 2023 të cilët janë përzgjedhur nga pushteti aktual.
Në mesin e të emëruarve janë edhe Shemsie Lladrovci, bashkëshortja e Ramiz Lladrovcit, Fatmire Jerliu-Kuçi dhe bashkëshortja e ish-ministrit Hajredin Kuçi. Të dyja të përzgjedhura në procesin e parë të përzgjedhjes së noterëve në kohën e Abelard Tahirit.
Ky proces ishte anuluar nga ministrja Albulena Haxhiu në vitin 2020, por i njëjti ishte rrëzuar me vendim të Gjykatës Themelore në Prishtinë.
Gjatë orëve të ardhshme pritet të publikohen edhe rreth 60 emërime të noterëve.
Më poshtë i gjeni emrat e 41 noterëve të rinj:
